دوزگونه عاشق
سید مراد موسیپور
بیر ساقی الیندن بیر باده ایچدیم،
سانکی بیر تونقاللی آتشه دوشدوم.
وصال حسرتینده، آلیشدیم، پیشدیم،
منیده یاندیران عشق اولدو لهله.
بئش آد اؤیرهتدیلر، سانی یئددیدیر،
ذکر ائتدیم بئشینی، خانی یئددیدیر.
پیمان باغلادیلار، کانی یئددیدیر.
منیده یاندیران عشق اولدو لهله.
گؤزلره وورولدوم اصلی باغیندا،
مجنونلا دولاندیم لیلی داغیندا،
نسیمی تک گولدوم دار آیاغیندا،
منیده یاندیران عشق اولدو لهله.
حق منی دوزگون ـه یارادیب عاشق،
قلبینده سئوگینی، تؤرهدیب صادق.
ان شاء الله کی اولام بو پیره لایق،
منیده یاندیران عشق اولدو لهله.
هر کس عاشیق اولوب فانی دونیادا،
معشوقا چاتماییب پیشمهمیش اودا.
«مراد» اود ایچینده چاتیب مرادا،
منیده یاندیران عشق اولدو لهله.
+ نوشته شده در یکشنبه بیست و دوم مرداد ۱۳۹۱ ساعت 12:56 توسط سید احسان شکرخدا
|
در این وبلاگ گزارشها، مقاله ها، شعرها و تصاویر مربوط به مراسم تکریم از مقام علمی استاد زبانشناسی و ادبیات، دکتر حسین محمدزاده صدیق (در تاریخ 6 اسفند 1386- تهران، فرهنگسرای مهر در تالار معلم منطقه 19) و مراسم بزرگداشت ایشان (25 مرداد 1387- تهران، فرهنگسرای بهمن) را قرار دادم.